« Af árásum á mannréttindi | Aðalsíða | Á kostnaðarverði »

27. apríl 2005

Lesist

Ég er áhugamaður um pólitík. Ég fæ því tölvubréf frá félagi vinstrimanna á Akureyri, Stefnu. 1.maí kl 10:30 heldur félagið fund á Mongo sportbar. Ég hef í hyggju að mæta. Vinstrimenn eru nefnilega alltaf með ljóðalestur og skemmtiatriði á sínum fundum á meðan hægrimenn borða pítsur og neimdroppa úr partíinu sem þeir voru í í síðustu viku.

Í tölvubréfinu koma fram kjörorð Stefnu. Þau eru hér útskýrð svo þröngsýnir hægrimenn skilji fyrir hverju vinstrimenn á Akureyri berjast.

• Aðeins grasrótar- og samtakabarátta alþýðu gefur sigra. (lesist: háværir þrýstihópar er besta vopnið í lýðræðisharki.)
  
• Gegn markaðsvæðingu og einkavæðingu. (lesist: gegn frelsi fólks til að ráðstafa sínu sjálfsaflafé)
  
• Gegn félagslegum undirboðum á íslenskum vinnumarkaði. (lesist: gegn viðleitni fólks frá fátækum löndum til þess að brjótast til mannsæmandi lífs; aukum atvinnuleysi með stuðningi við lágmarkslaun.)
  
• Berjumst fyrir sameign á auðlindum. (lesist: lokum augunum fyrir bestu leiðinni til að ráðstafa takmörkuðum gæðum)
  
• Jafnrétti kynjanna (lesist: handstýrðar aðgerðir til jafnstöðu kynjanna)

Gylfi Ólafsson kl. 16:53