« Af hverju eru hvalveiðar bannaðar? | Aðalsíða | Biturleika breytt í félag og gripið til aðgerða »

9. mars 2005

Um fagleg sjónarmið

Það er óneitanlega gaman að horfa á vinstrimenn innan fjölmiðlaheimsins tala um fagleg sjónarmið. Þeir nota sífellt þá tækni að segja ráðningu sinna samherja hið faglega í stöðunni. Svo er það básúnað yfir fjölmiðla að ef viðkomandi vinstrimaður er ekki ráðinn, og hugsnalega einhver annar sem ekki er í hópi vinstrimanna fær starfið, að fagleg sjónarmið hafi ekki ráðið ferðinni.

Hið eina til að láta raunverulega fagleg sjónarmið ráða ferðinni en ekki orðhengilshátt vinstrimanna eða meintar klíkuráðningar, sem þeim er svo tíðrætt um, er að einkavæða Ríkisútvarpið.

Það er enginn ráðinn í ábyrgðarstöður hjá t.d. stórum bönkum eða fyrirtækjum almennt ef hann er ekki fær í starfið. Ástæðan er einföld, þeir sem ráða menn vegna klíku en ekki hæfileika tapa til lengri tíma því hin fyrirtækin ráða þá til sín hina hæfu og sigra hið fyrrnefnda í samkeppni.

Það er því mitt faglega sjónarmið að einkavæða verði RÚV sem allra fyrst.

Friðbjörn Orri Ketilsson kl. 12:07